ਰਾਇਲ ਚੈਲੈਂਜਰਸ ਬੈਂਗਲੁਰੂ (ਆਰਸੀਬੀ) ਨੇ ਲਗਾਤਾਰ ਦੋ ਸਾਲਾਂ ਤੱਕ ਆਈਪੀਐੱਲ ਖਿਤਾਬ ਜਿੱਤਿਆ ਹੈ। ਰਜਤ ਪਾਟੀਦਾਰ ਦੀ ਅਗਵਾਈ ਹੇਠ ਟੀਮ ਪਿਛਲੇ ਦੋ ਸੀਜ਼ਨਾਂ ਵਿੱਚ ਮਜ਼ਬੂਤ ਨਜ਼ਰ ਆਈ ਹੈ। 2025 ਦੀ ਮੈਗਾ-ਨਿਲਾਮੀ ਤੋਂ ਪਹਿਲਾਂ ਫਰੈਂਚਾਈਜ਼ੀ ਵੱਲੋਂ ਕੀਤੇ ਗਏ ਕਈ ਬਦਲਾਅ ਆਲੋਚਨਾ ਦਾ ਕਾਰਨ ਬਣੇ ਸਨ, ਪਰ ਨਤੀਜਿਆਂ ਨੇ ਆਲੋਚਕਾਂ ਨੂੰ ਗਲਤ ਸਾਬਤ ਕਰ ਦਿੱਤਾ। ਹੁਣ ਟੀਮ ਸਫਲਤਾ ਦੇ ਸਿਖਰ ’ਤੇ ਹੈ ਅਤੇ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਫਰੈਂਚਾਈਜ਼ੀ ਕਿਹੜੇ ਖਿਡਾਰੀਆਂ ਨੂੰ ਟੀਮ ਤੋਂ ਬਾਹਰ ਕਰਦੀ ਹੈ।

2027 ਦੇ ਆਈਪੀਐੱਲ ਸੀਜ਼ਨ ਲਈ ਨਿਲਾਮੀ 16 ਦਸੰਬਰ ਨੂੰ ਗੋਆ ਵਿੱਚ ਹੋਣੀ ਤੈਅ ਹੈ। ਇਹ ਮਿੰਨੀ-ਨਿਲਾਮੀ ਹੈ, ਇਸ ਲਈ ਫਰੈਂਚਾਈਜ਼ੀਆਂ ’ਤੇ ਆਪਣੇ ਕੋਲ ਰੱਖੇ ਜਾਣ ਵਾਲੇ ਖਿਡਾਰੀਆਂ ਦੀ ਗਿਣਤੀ ਬਾਰੇ ਕੋਈ ਪਾਬੰਦੀ ਨਹੀਂ ਹੈ। ਮੈਗਾ-ਨਿਲਾਮੀ ਦੇ ਉਲਟ, ਜਿੱਥੇ ਖਿਡਾਰੀਆਂ ਨੂੰ ਬਰਕਰਾਰ ਰੱਖਣ ’ਤੇ ਸਖ਼ਤ ਸੀਮਾਵਾਂ ਸਨ, ਆਰਸੀਬੀ ’ਤੇ ਅਜਿਹੀ ਕੋਈ ਮਜਬੂਰੀ ਨਹੀਂ ਕਿ ਉਹ ਇੱਕ ਨਿਸ਼ਚਿਤ ਗਿਣਤੀ ਵਿੱਚ ਹੀ ਖਿਡਾਰੀਆਂ ਨੂੰ ਟੀਮ ਵਿੱਚ ਰੱਖੇ।

ਰਿਪੋਰਟ ਮੁਤਾਬਕ 10 ਅਜਿਹੇ ਖਿਡਾਰੀਆਂ ਦੀ ਸੂਚੀ ਤਿਆਰ ਕੀਤੀ ਗਈ ਹੈ ਜਿਨ੍ਹਾਂ ਨੂੰ ਦੋ ਵਾਰ ਦੀ ਚੈਂਪੀਅਨ ਆਰਸੀਬੀ ਟੀਮ ਤੋਂ ਬਾਹਰ ਕਰ ਸਕਦੀ ਹੈ। ਇਸ ਸੂਚੀ ਵਿੱਚ 5 ਭਾਰਤੀ ਅਤੇ 5 ਵਿਦੇਸ਼ੀ ਖਿਡਾਰੀ ਸ਼ਾਮਲ ਹਨ: ਜੈਕਬ ਬੈਥਲ, ਰੋਮਾਰੀਓ ਸ਼ੈਫਰਡ, ਨੁਵਾਨ ਤੁਸ਼ਾਰਾ, ਅਭਿਨੰਦਨ ਸਿੰਘ, ਯਸ਼ ਦਿਆਲ, ਰਿਚਰਡ ਗਲੀਸਨ, ਜਿਤੇਸ਼ ਸ਼ਰਮਾ, ਜੌਰਡਨ ਕੌਕਸ, ਮੰਗੇਸ਼ ਯਾਦਵ ਅਤੇ ਕਨਿਸ਼ਕ ਚੌਹਾਨ।

ਜੈਕਬ ਬੈਥਲ ਨੂੰ ਟੀਮ ਤੋਂ ਹਟਾਇਆ ਜਾ ਸਕਦਾ ਹੈ; ਹਾਲਾਂਕਿ ਉਹ ਪ੍ਰਤਿਭਾਸ਼ਾਲੀ ਖਿਡਾਰੀ ਹੈ, ਪਰ ਵਾਰ-ਵਾਰ ਹੋਣ ਵਾਲੀਆਂ ਸੱਟਾਂ ਉਸ ਲਈ ਵੱਡੀ ਸਮੱਸਿਆ ਰਹੀਆਂ ਹਨ। ਰੋਮਾਰੀਓ ਸ਼ੈਫਰਡ ਉਮੀਦਾਂ ਮੁਤਾਬਕ ਪ੍ਰਦਰਸ਼ਨ ਨਹੀਂ ਕਰ ਸਕੇ ਹਨ ਅਤੇ ਸ਼੍ਰੀਲੰਕਾਈ ਗੇਂਦਬਾਜ਼ ਨੁਵਾਨ ਤੁਸ਼ਾਰਾ ਨੂੰ ਵੀ ਟੀਮ ਤੋਂ ਬਾਹਰ ਕੀਤਾ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਜੌਰਡਨ ਕੌਕਸ ਅਤੇ ਰਿਚਰਡ ਗਲੀਸਨ ਦੇ ਵੀ ਟੀਮ ਵਿੱਚ ਬਰਕਰਾਰ ਰਹਿਣ ਦੀ ਸੰਭਾਵਨਾ ਘੱਟ ਦੱਸੀ ਜਾ ਰਹੀ ਹੈ।

ਸੰਭਾਵੀ ਧਾਰਨ ਸੂਚੀ ਵਿੱਚ ਟਿਮ ਡੇਵਿਡ, ਵੈਂਕਟੇਸ਼ ਅਈਅਰ, ਵਿਰਾਟ ਕੋਹਲੀ, ਵਿਹਾਨ ਮਲਹੋਤਰਾ, ਰਜਤ ਪਾਟੀਦਾਰ, ਦੇਵਦੱਤ ਪਡੀਕਲ, ਫਿਲ ਸਾਲਟ, ਸਵਪਨਿਲ ਸਿੰਘ, ਰਸੀਖ ਡਾਰ, ਯਸ਼ ਦਿਆਲ, ਸਵਾਸਤਿਕ ਦੇਸਵਾਲ, ਜੈਕਬ ਡਫੀ, ਜੋਸ਼ ਹੇਜ਼ਲਵੁੱਡ, ਵਿੱਕੀ ਓਸਤਵਾਲ, ਸੁਯਸ਼ ਸ਼ਰਮਾ, ਭੁਵਨੇਸ਼ਵਰ ਕੁਮਾਰ, ਕਰੁਣਾਲ ਪੰਡਯਾ ਅਤੇ ਜਿਤੇਸ਼ ਸ਼ਰਮਾ ਦੇ ਨਾਮ ਸ਼ਾਮਲ ਹਨ।